“વંદે માતરમ”ની રચનાને 150 વર્ષ પૂર્ણ થતાં શિશુમંદિર વિભાપર ખાતે ભવ્ય સમૂહગાન કાર્યક્રમ યોજાયો
વિભાપર,
તા. 25 સપ્ટેમ્બર 2026:
“વંદે માતરમ”ની રચનાને 150 વર્ષ પૂર્ણ થવાના ઐતિહાસિક અવસર નિમિત્તે સમગ્ર દેશમાં યોજાઈ રહેલા “વંદે માતરમ” સમૂહગાન અભિયાન અંતર્ગત વિધા ભારતી અખિલ શિક્ષા સંસ્થાન ન્યુ દિલ્લી નિર્દેશિત નમામિ ભારતમ કાર્યક્રમ અંતર્ગત શ્રી સરસ્વતી શિશુમંદિર વિભાપર પર ભવ્ય સમૂહગાન કાર્યક્રમનું આયોજન કરવામાં આવ્યું હતું.
રાષ્ટ્રભક્તિ અને રાષ્ટ્રીય એકતાની ભાવનાથી ઓતપ્રોત આ કાર્યક્રમમાં વિદ્યાર્થીઓ, શિક્ષકો, વાલીઓ તથા ઉપસ્થિત મહાનુભાવોએ એકસાથે “વંદે માતરમ”નું સમૂહગાન કરી આ ઐતિહાસિક પ્રસંગની ગૌરવભેર ઉજવણી કરી હતી. આ અંતર્ગત સંઘ ના વિભાગ પ્રચારક ઓમભાઈ હળવદીયા એ
“વંદે માતરમ”ના ઐતિહાસિક મહત્ત્વ અને રાષ્ટ્રજીવનમાં તેના સ્થાન અંગે પ્રેરણાદાયી સંબોધન કર્યું હતું.
આ કાર્યક્રમ માં ટ્રસ્ટીઓ,વ્યવસ્થાપકો, વાલીઓ વિદ્યાર્થીઓ,ગ્રામજનો મોટી સંખ્યામાં ઉપસ્થિત રહ્યા હતા.
સમગ્ર કાર્યક્રમ દેશભક્તિપૂર્ણ વાતાવરણમાં ઉત્સાહ અને ઉમંગ સાથે સંપન્ન થયો હતો. કાર્યક્રમના અંતે સૌએ રાષ્ટ્રની એકતા, અખંડિતતા અને ગૌરવ જાળવવાનો સંકલ્પ વ્યક્ત કર્યો હતો.
**“એક તાલ, એક લય, એક સ્વર, એક સમયે…
રાષ્ટ્રભક્તિ સાથે ગુંજ્યું — વંદે માતરમ!”**
ભારત માતાની જય! 🇮🇳
વંદે માતરમ!
