ગ્રાહક પંચાયત ના અખિલ ભારતીય અધિકારી નો શિશુમંદિર વિભાપર વિદ્યાલય માં પ્રવાસ

આજ રોજ અખિલ ભારતીય ગ્રાહક પંચાયત ના અખિલ ભારતીય સહ સચિવ  શ્રી નેહાબહેન જોશી નો પ્રવાસ શિશુ મંદિર વિભાપર વિદ્યાલય પર રહ્યો. જેમાં તેમને આચાર્યો નો પરિચય,વિદ્યાલય દર્શન કર્યા ત્યારબાદ કક્ષા ૮,૯ ના વિદ્યાર્થીઓને ગ્રાહક શિક્ષણ વિશે સમજ આપી. તેમજ ગ્રાહક ના અધિકારો અને જાગો ગ્રાહક જાગો અભિયાન વિશે વિદ્યાર્થીઓને માર્ગદર્શન આપ્યું.

સાથે ગ્રાહક પંચાયત ના અધિકારી  સૌરાષ્ટ્ર પ્રાંત સહ  સંયોજક  ભરતભાઈ કોરાટ,પ્રાંત પ્રચાર પ્રસાર અને સંપર્ક ના એડવોકેટ સીમાબહેન મહેતા જામનગર નગર ના વાલી મહેશભાઈ વ્યાસ જામનગર નગર સંયોજક ગિરિરાજસિંહ જાડેજા ઉપસ્થિત રહ્યા હતા. તેમનું વિદ્યાલય દ્વારા સન્માન કરવામાં આવ્યું હતું.

શિશુમંદિર વિભાપર વિદ્યાલય આયોજિત વિવિધ સામાજિક સેવા કાર્ય.

આપણી વિદ્યાલય શ્રી સરસ્વતી શિશુમંદિર વિભાપર વિદ્યાલય સમાજ નું ચેતના કેન્દ્ર બને અને સરકાર શ્રી ની વિવિધ સેવાઓ અને વિવિધ કાર્ડ માટે દૂર ના અંતર માં ન જવું પડે વિદ્યાલય દ્વારા વિવિધ સરકાર ની યોજનાઓ નો લાભ લોકો ને આપવામાં આવે છે.

જેમાં આયુષ્માન કાર્ડ,આધાર કાર્ડ અપડેટ ની સુવિધાઓ, ઇ શ્રમ કાર્ડ, આભા કાર્ડ તેમજ વિવિધ સરકાર ના કાર્ડ વિશે માહિતી અને મદદ કરવામાં આવે છે.

સાથે સુ કન્યા યોજના,સોલાર પેનલ ની યોજના વિવિધ પોસ્ટ, બચત અને સરકાર ની અનેક યોજનાઓ માટે સમજ અને ફોર્મ તેમજ માહિતી વિદ્યાલય દ્વારા આપવામાં આવે છે.

વિદ્યાલય પર ઇ શ્રમ કાર્ડ,આભા કાર્ડ સરકાર ના વિવિધ સહાય ના ફોર્મ  અને માહિતી કાયમી રીતે વિદ્યાલય દ્વારા સમાજ ને સહકાર આપવામાં આવે છે.