શિશુમંદિર વિભાપર ખાતે વિશ્વ માતૃભાષા દિવસ ની ઉજવણી

આજ રોજ

 શ્રી સરસ્વતી શિશુ મંદિર વિદ્યાલય વિભાપરમાં આંતરરાષ્ટ્રીય માતૃભાષા દિનની ઉજવણી કરવામાં આવી. જેમાં માતૃભાષા નું મહત્વ સમજાવવામાં આવ્યું. ગુજરાતી ભાષાના કવિઓ અને લેખકોનો પરિચય આપવામાં આવ્યો.

વિદ્યાર્થીઓ દ્વારા વાર્તા કથન, જોડકણાં, કાવ્યગાન, સંવાદ,  પ્રભાતિયાં, લોકગીતો,નાટક,વગેરે રજૂ કરવામાં આવ્યાં. વિદ્યાલયના નિયામક શ્રી જયશ્રીબા જાડેજા, પ્રાથમિક વિભાગના પ્રધાનાચાર્યા શ્રી મયુરીબેન કપુરીયા તેમજ વિદ્યાલયના બધા જ આચાર્યશ્રીઓ અને કક્ષા ૧ થી ૯ ના વિદ્યાર્થીઓ  ઉપસ્થિત રહ્યા. કાર્યક્રમના સંયોજક અનિલગુરુજી અને સહસંયોજક આશાદીદી હતા. કાર્યક્રમમાં સંચાલન મનીષ ગુરુજીએ કર્યું હતું. તેમના અંતે બધા જ વિદ્યાર્થીઓને આચાર્યએ પોતાની સહી માતૃભાષામાં જ કરીશું એવી પ્રતિજ્ઞા લીધી હતી.

સ્વચ્છતા અભિયાન

આપણી વિદ્યાલય શ્રી સરસ્વતી શિશુમંદિર માં સફાઈ અભિયાન કરવામાં આવ્યું જેમાં કક્ષા ૬ થી ૧૦ ના વિદ્યાર્થીઓ એ વિદ્યાલય ના બધા કક્ષ ની સ્વચ્છતા કરી તેમજ કોમ્પ્યુટર લેબ, સાયન્સ લેબ તેમજ મેદાન ની સફાઈ વિદ્યાર્થીઓ એ જાતે કરી અને સફાઈ ની સમજ મેળવી. 

શિશુમંદિર વિભાપર વિદ્યાલય ના વિદ્યાર્થીઓ જામનગર જિલ્લા કક્ષા ના ખેલમહાકુંભ માં ઉત્કૃષ્ઠ પરિણામ.

તારીખ :- ૧૨/૦૨/૨૦૨૩ ને સિદસર ખાતે આવેલ શ્રી ઉમિયા માતા વીજાપુર સંકુલ ખાતે જામનગર જિલ્લા કક્ષા નો ખેલમહાકુંભ યોજાઈ ગયો. જેમાં આપણી વિદ્યાલય શ્રી સરસ્વતી શિશુમંદિર વિભાપર ના વિદ્યાર્થીઓ એ ભાગ લીધો. જેમાં 

1. રુદ્રભાઇ જગદીશભાઇ કથીરીયા નો અંડર ૧૭ બરછી ફેંક માં સમગ્ર જામનગર જિલ્લામાં દ્વિતીય નંબર મેળવ્યો.

2.આદિત્યભાઈ નિલેશભાઈ ચાવડા નો અંડર ૧૪ ઊંચી કુદ માં સમગ્ર જામનગર જિલ્લામાં પ્રથમ નંબર મેળવ્યો.

આ બન્ને વિદ્યાર્થીઓ આગળ રાજ્ય કક્ષા એ રમવા જશે. 

વિદ્યાલય પરિવાર તરફથી વિદ્યાર્થીઓ ને અનેક શુભકામનાઓ.

કક્ષા ૧ થી ૪ ના વિદ્યાર્થીઓ ખેતર ની મુલાકાત.

આપણી વિદ્યાલય શ્રી સરસ્વતી શિશુમંદિર વિભાપર વિદ્યાલય ના કક્ષા ૧ થી ૪ ના વિદ્યાર્થીઓ આજે વિદ્યાલય નજીક આવેલ ખેતર ની મુલાકાતે ગયા હતા. જેમાં સૌ પ્રથમ વિદ્યાર્થીઓ એ વાડી માં અલ્પાહાર કર્યો. ત્યાંથી વિદ્યાર્થીઓ ગૌ શાળા ની મુલાકાત લીધી જેમાં તેની વ્યવસ્થા વિશે વિદ્યાર્થીઓ સમજ્યા. ત્યારબાદ વિવિધ પાકો,વેલા,શાકભાજી નો પરિચય કર્યો અને ખેતી વિશે તેમને જાણ્યું સાથે પ્રકૃતિમય જીવન જીવતા ખેડૂત સાથે મુલાકાત કરી. ત્યારબાદ સાથે બેસી વિદ્યાર્થીઓ ભોજન જાતે પીરસી અને ભોજન લીધું. અને તેમને ખેતી,ગૌ શાળા તેમજ વિવિધ છોડ,પાક અને વેલા નો પરિચય લીધો.

શિશુમંદિર વિભાપર ખાતે દાદા દાદી સંમેલન યોજાયું.

આપણી વિદ્યાલય શ્રી સરસ્વતી શિશુમંદિર વિભાપર વિદ્યાલય પર દાદા દાદી સંમેલન યોજાયું.

આ સંમેલન માં શિશુવાટિકા તેમજ કક્ષા ૧,૨ ના દાદા, દાદી નું સંમેલન યોજાયું. જેમાં સૌ પ્રથમ વિદ્યાર્થીઓ એ તેમના દાદા, દાદી નું ભાવ પૂર્વક પૂજન કર્યું. ત્યારબાદ દિપ પ્રાગટ્ય કરવામાં આવ્યું તેમજ સરસ્વતી વંદના કરવામાં આવી. ત્યારબાદ શિશુવાટિકા ના બાળકો એ દાદા, દાદી ને લગતા અભિનય સાથે જોડકા રજૂ કર્યા ત્યારબાદ આવેલ દાદા,દાદી એ તેમને આવડતા ગીતો,ભજન ખૂબ ભાવ પૂર્વક રજૂ કર્યાં, જેમાં તેમને ખૂબ સારી તક મળી. ત્યારબાદ સ્વદેશી  વિવિધ  રમતો રમ્યા. જેમાં દાદા, દાદી ને પોતાનું બાળપણ ની સ્મૃતિ થઈ ગઈ. ત્યારબાદ મુખ્ય વક્તા શ્રી કનુભાઈ કરકર ( નિવૃત્ત ક્લાસ વન ઓફિસર તેમજ જામનગર ડાયટ ના પૂર્વ પ્રાચાર્ય તેમજ હાલ વિદ્યા ભારતી ગુજરાત પ્રાંત ના શૈક્ષિક પ્રમુખ) નું માર્ગદર્શન રહ્યું. જેમાં તેમના મુખ્ય અંશો.

1. દાદા, દાદી પોતાના પૌત્ર અને પરિવાર ને વિશેષ સમય આપે.

2.માનવીની પ્રકૃતિ આનંદિત રહેવું તે છે. દાદા, દાદી ને આ ઉંમર માં આનંદિત રહેવું ખૂબ ગમે છે તો વધુ સમય આનંદીત પ્રવૃતિઓ કરતા રહે. તેમજ  પરિવાર ની વ્યવસ્થા માં ખૂબ મોટો ભાગ ભજવે. તેમાટે તે સક્રિય ભૂમિકા પરિવાર માં પ્રદાન કરે.

તેમનું માર્ગદર્શન ખૂબ સારું રહ્યું. અનેક લોકો ને તેમનું વ્યક્તવ સાંભળી આંદન થયો. તેમજ આવેલ દાદા, દાદી એ ખૂબ સારો પ્રતિભાવ આપ્યો. 

ત્યારબાદ દાદા, દાદી વિવિધ રમતો મેદાન માં રમ્યા અને ખૂબ ઉત્સાહ પૂર્વક માહોલ રહ્યો. આ તકે વિદ્યાલય ના પ્રમુખ શ્રી ભાણજીભાઈ પાંભર વિદ્યાલય ટ્રસ્ટીઓ,વ્યવસ્થાપકો, પ્રધાનાચાર્યો,આચાર્યો તેમજ બહોળી સંખ્યામાં પોતાના પૌત્ર સાથે દાદા, દાદી ઊપસ્થિત રહ્યા હતા. આ કાર્યક્રમ ના સંયોજક દિક્ષા બહેન અમરેલીયા હતા. આ સંમેલન થી ભારતીય પરિવાર વ્યવસ્થા માં દાદા, દાદી નું મહત્વ અને તેમના પૌત્ર સાથે વધુ ને વધુ વાર્તાલાપ અને સાતત્ય રહે તે મુખ્ય હેતુ હતો.